Kosova e treta në Francë

Mundësit e rinj të kombëtares së Kosovës e zënë vendin e tretë në turneun ndërkombëtar në mundje ''Grand Prix de Bagnolt", i mbajtur në Paris të Francës. Zyrtarët e kësaj federate njoftojnë se në këtë turne morën pjesë 20 shtete. Mundësit e kombëtares sonë në disiplinën individuale morën gjashtë medalje të arta, tri të argjendta, ndërsa ekipore u rendit e treta. Mundësit që fituan medalje të arta janë: Veli Susuri (50 kg), Kastriot Sedolli (55 kg), Kenan Daci (66 kg), Bajram Shala (74 kg), Edon Shala (84 kg), Egzon Shala (96 kg), ndërsa me medalje të argjendta stolisen: Elvis Susuri (54 kg), Bunjamin Berisha (63 kg) e Pajtim Shala (74 kg).