Milano, 28 maj - Klubet e futbollit, Inter i Milanos dhe Real Madridi kanë arritur marrëveshjen në vlerë prej 9 milionë dollarësh, që i lejon Jose Mourinhos të bëhet trajner i ekipit nga Madridi, raporton AP.
Duke u mbështetur në faqen e klubit italian në Internet, raportohet se sot presidenti i Real Madridit, Florentino Perez ishte në Milano për takim me kolegun e tij nga Interi, Masimo Moratti, para se të kthehej në kryeqytetin spanjoll.
Perez tha se “nuk e di se kur do të arrijë Mourinho, por jam i sigurt se ai do të jetë trajneri ynë”.