Pretoria, 27 maj - Këngëtari operistik jugafrikan, Sipivo Ntshebe, i cili ishte caktuar të interpretonte në hapjen solemne të kampionatit botëror të futbollit, “Afrika Jugut 2010”, ka vdekur si pasojë e meningjitit.
Ntshebe (34) javën e kaluar është shtruar në spitalin e Port Elizabeth. Në njoftimin e organizatorit të Kampionatit Botëror thuhet se ka qenë Neslon Mandela ai që ka përzgjedhur Ntshebe, që më 11 qershor të këndojë pak para fillimit të ndeshjes së parë për Kupën botërore në futboll. Ntshebe ka qenë e paraparë të ekzekutojë veprën "Hope". Më herët ishte njoftuar se albumi me të njëjtin titull do të shitet në treg gjatë kohës sa do të zgjasë kampionati.