Puyol: Me Villën kërkojmë shumë gola

Drejtuesit e Barcelonës presin shumë nga përforcimi i ri, David Villa. Ky sulmues që ka ardhur në Barcelonë është pritur nga të gjithë jashtëzakonisht mirë. Edhe mbrojtësi Carles Puyol, mendon se David Villa mund të përshtatet mirë me Zlatan Ibrahimoviqin në sulmin e katalunasve. Puyol ka thënë se nga Villa presin shumë gola dhe do të jenë një tandem i fuqishëm me Ibrahimoviqin. “Para së gjithash, me Villën ne kërkojmë shumë gola. Për më shumë, ai është i shumanshëm dhe i përshtatet stilit tonë të lojës. Villa është i përshtatshëm me Ibrahimoviqin dhe do të përshtaten mjaft mirë”, tha Puyol.