Paris, 28 maj – Tenistja belge Justine Henin ka fituar në xhiron e dytë ndaj çekes Klara Zakopalova me 6:3, 6:3, dhe kësisoj ka shënuar fitoren e saj të 23-të rresht në turnirin e tenisit në Roland Garros. Një nga katër titujt e saj të këtij turneu në Paris, ajo e ka fituar për herë të fundit në vitin 2007, pas të cilit u “pensionua” përkohësisht, për t’iu kthyer sërish sivjet. Në xhiron e ardhshme ajo do të ketë kundërshtare rusen Maria Sharapova, e cila eliminoi nga gaate mëtejshme belgjianen tketër Kirsten Flipkens me 6:3, 6:3. tenistja ruse asnjë herë deri tash nuk e ka fituar titullin në Paris.
Tenistja e dytë në botë, Venus Williams, ndërkaq, ka shënuar fitore edhe në xhiron e tretë dhe është plasuar në të tetën e finales, pas fitores me 6:3, 6:4 kundër sllovakes Dominika Cibulkova.
Në konkurrencën e meshkujve spanjolli Rafael nadal, i cili është fitues i katërfishtë i Roland Garrosit, nëç xhiron e dytë ka mundur argjentinasin Horacie Zeballos me 6:2, 6:2, 6:3. në xhiron e tretë spanjolli do të ndeshet me australianin Lleyton Hewitt