Universiteti, kampion i ri

Janë klube të rralla si klubi i volejbollit Universiteti i Prishtinës (femrat), që për tre vjet të ekzistimit të bëhen me dy trofetë: kupën dhe titullin e kampionit të Republikës së Kosovës. Volejbollistet e Universitetit me fitoren që arritën me rezultat 3:0 në Ferizaj kundër Kastriotit stolisen edhe me titullin e kampiones. Ky është titulli i parë në historikun e shkurtër të kësaj skuadre, por e cila është arritur falë punës së palodhshme të të gjithëve në klub. Të gjitha kanë merita për titullin e kampionit, por më së shumti i dedikohen volejbollistes Shemsije Asllanajt.