Van der Vaart “me biçikletë” në Bayern

Ylli holandez Arjen Robben ka bërë të ditur se bashkëkombësi i tij, Rafael van der Vaart dëshiron t’i bashkohet atij në Bayern Munich.

Van der Vaart nuk ka vend të sigurt në Real Madrid dhe pritet të largohet nga klubi gjatë afatit kalimtar të verës.

Ndërsa, Robben – i cili u largua nga Reali për në Bayern verën e kaluar – ka shkëlqyer në sezonin e tij të parë në Bunsdesligë.

“Rafael më ka thënë se nëse Bayern e kërkon, ai do të vinte me biçikletë në Munich”, tha Roben për Kicker.de.