Shala: Nuk janë pak nëntë medalje

Përzgjedhësi i kombëtares së Kosovës në mundje, Sylejman Shala, është i kënaqur me vendin e tretë që zunë në turneun ndërkombëtar “Grand Prix de Bagnolt”, që u mbajt në Paris të Francës. “Konkurrenca ishte mjaft e fortë, megjithatë mundësit tanë të rinj edhe njëherë dëshmuan se mund t’ia dalin edhe në gara të nivelit të lartë. Kemi arritur rezultatet të kënaqshme, ku më së miri e dëshmojnë nëntë medalje të fituara (gjashtë të arta dhe tri të argjendta)”, tha Shala. Sipas Shalës, rezultatet e arritura gjatë këtij turneut janë një plus që Federata e Mundjes Ndërkombëtare (FILA) të mendoj që sa më shpejt që të na pranojë si FMK me drejta të plota.