Forum
Roma që në çastet e fundit e humbën kupën dhe titullin në kampionatin italian tashmë kanë nisur që të përforcohet për edicionin e ri të Serie A në futboll. Roma zyrtarizon përforcimin me futbollistin brazilian, Adrianon, ish-futbollist i Interit dhe së fundi edhe i skuadrës kampione të Brazilit, Flamengo. Sulmuesi Adriano ka lidhur kontratë për tre vjetët e ardhshme me skuadrën nga kryeqendra italiane. “Tani përgjegjësia ime është më e madhe, pasi ata i dinë të gjitha gjërat e gabuar që unë kam bërë në Flamengo. Fakti se ata më kanë besim te unë do të thotë se ata ende vërtetë besojnë te unë, ashtu që unë duhet të përmbushë pritjet e tyre duke vazhduar karrierën time këtu te Roma” – tha Adriano.
