Xhemajli mbetet në Parma

Presidenti i Parmës, Tomasso Ghirardi, ka insistuar se mesfushori shqiptar Blerim Xhemajli nuk do të largohet nga klubi pas hapjes së afatit kalimtar të verës. Ghirardi ka shprehur besimin e tij se klubi nuk do të ketë probleme në mbajtjen e Xhemajlit në Enni Tardini, derisa synon të blejë edhe pjesën tjetër të kartonit të pronësisë së tij nga Torino.

“Xhemajli do të vazhdojë të jetë futbollist i Parmës, pasi synojmë të blejmë pronësinë e tij të plotë duke marr edhe gjysmën tjetër të kartonit të kontratës së tij nga Torino”, tha Ghirardi për La Gazzetta di Parma. Xhemajli ka shkëlqyer në fanellën e Parmës pas huazimit nga Torino në gusht të vitit të kaluar.

Ai bëri 19 paraqitje dhe shënoi një gol në Serie A këtë sezon, mirëpo një lëndim në gju, që pësoi në muajin shkurt, i pamundësoi të paraqitet në një periudhë të gjatë të pjesës së dytë të sezonit. Si rezultat i këtij lëndimi, Xhemajli nuk u ftua në Kombëtaren e Zvicër për Kampionatin botëror në Afrikën e Jugut.