Mbrojtësi i Bayern Munich, Philipp Lahm është emëruar kapiten i Gjermanisë për Kampionatin botëror 2010, në vend të mesfushorit të lënduar Michael Ballack, kanë njoftuar mediat gjermane të enjten.
Ballack do të mungojë në Botërorin e Afrikës së Jugut për shkak të një lëndimi në nyjën e këmbës që pësoi në ndeshjen finale të FA Cup kundër Portsmouthit. Ndërkohë, selektori i Gjermanisë, Joachim Loew, pritet të emërojë Manuel Neuerin e Schalkes për portier të parë pas lëndimit të Rene Adler.