Forum
Twente, 25 maj - Mesfushori Emir Bajrami ka thënë se do t'i realizohej ëndrra nëse gjatë kësaj vere transferohet te skuadra holandeze Twente nga Elfsborgu, shkroi të hënën gazeta suedeze "Expressen". 22-vjeçari ka kontratë me Elfsborgun deri në qershorin e vitit të ardhshëm, ndërsa për transferimin e tij Twente ka ofruar katër milionë euro. "Nuk e di si po shkojnë negociatat, por personalisht jam i interesuar të transferohem te Twente. Do të ishte realizim i ëndrrës kalimi te Twente, pasi do të luaja në Ligën e Kampionëve". Twente këtë edicion për herë të parë në histori të klubit ka fituar titullin e kampionit të Holandës.
