Milito nuk është në shitje

Presidenti i Interit, Massimo Moratti, ka paralajmëruar Real Madridin dhe klubet tjera se sulmuesi Diego Milito nuk është në shitje. Në Itali qarkullojnë spekulime se reprezentuesi argjentinas mund të përcjellë trajnerin e Interit, Jose Mourinho, në kryeqytetin spanjoll gjatë kësaj vere. Mirëpo, Moratti insiston se Milito do të mbetet në Giuseppe Meazza.

“E them vetëm një gjë, ekziston një dallim mes Militos dhe Mourinhos. Mourinho në kontratën e tij ka një dëmshpërblim me të cilin mund të largohet. Mirëpo, Milito nuk e ka, diskutimet marrin fund”, tha Moratti.