Allegri, trajner i ri i Milanit

Milano, 24 maj - Italiani Massimiliano Allegri pritet të zyrtarizohet të hënën si trajner i ri i Milanit, shkruajnë mediumet italiane të dielën. Ish-trajneri i Cagliarit, ka patur një takim me dy liderët e Milanit, Silvio Berlusconin dhe Adriano Gallianin. Allegri në postin e trajnerit të Milanit do ta zëvendësojë brazilianin Leonardo. "Unë gjithmonë kam thënë se është e vështirë të luash kundër skuadrave që udhëheq Allegri, pasi lojtarët e tij janë shumë të organizuar dhe e dinë me përpikëri se çfarë duhet të bëjnë në fushë. Të presim tash se çfarë do të ndodhë", ka thënë sulmuesi i Milanit, Filippo Inzaghi.