Bono operohet në shpinë

Frontmeni i bendit “U2”, Bono, i është nënshtruar një operimi emergjent në shpinë, në spitalin e Munihut në Gjermani.
Rokeri është dashur t’i nënshtrohet ndërhyrjes kirurgjike për shkak të një lëndimi të pësuar gjatë përgatitjeve për turneun e grupit. U2 është pranë fillimit të një turneu në Amerikën Veriore më 3 qershor, ndërsa nuk dihet nëse Bono do të jetë i gatshëm për koncertet.

“Bono i është nënshtruar një operimi në shpinë për një lëndim të pësuar gjatë përgatitjeve për turne. Ai është pranuar nga një specialist i repartit të neurokirurgjisë në spitalin e Munihut”.

“Bono do t’i kalojë ditët e ardhshme atje, para se të rikthehet në shtëpi për rehabilitim. Kur gjendja e tij të përmirësohet, do të lëshojmë një komunikatë ku do të tregojmë ndikimin e operimit në datat e koncerteve”, deklaroi një zëdhënës i bendit