Në prezantimin e Villas, 35 mijë tifozë

Barcelonë, 21 maj - David Villa edhe zyrtarisht është përforcimi i parë i Barcelonës për sezonin e ardhshëm. Sapo përfundoi sezoni aktual, në të cilin Barcelona mbrojti titullin e kampionit në Spanjë, drejtuesit e skuadrës katalonase kryen një punë të madhe për sezonin e ardhshëm. David Villa sot u prezantua si futbollist i ri Barcelonës, pasi me sukses kreu kontrollet mjekësore dhe më pas nënshkroi kontratën katërvjeçare. Villa në shpinë do të mbajë numrin 7-të, ndërsa blerja e tij Barcelonës i kushtoi 40 milionë euro, duke i vendosur një klauzolë prej 200 milionë eurove, në qoftë se dëshiron të largohet para përfundimit të kontratës. Në prezantimin e Villës në stadiumin “Kamp Nou” u tubuan mbi 35 mijë tifozë, të cilët përshëndetën ardhjen e yllit të ri në Barcelonë.